Þú átt rétt á að falla frá kaupum í vefverslun HFHeilsa ehf. samkvæmt lögum nr. 16/2016 um neytendasamninga. Hér fyrir neðan eru leiðbeiningar um réttinn og staðlað eyðublað sem þú getur notað.

14 daga réttur til að falla frá kaupum

Þú hefur rétt til að falla frá kaupunum innan 14 daga án þess að tilgreina nokkra ástæðu. Fresturinn rennur út 14 dögum eftir þann dag sem þú, eða annar einstaklingur sem þú tilgreindir (annar en flutningsaðilinn), fékkst vöruna í þína vörslu. Ef þú pantar margar vörur í einni pöntun og þær eru afhentar hver í sínu lagi rennur fresturinn út 14 dögum eftir að síðasta varan kemst í þína vörslu. Þegar keypt er þjónusta rennur fresturinn út 14 dögum eftir að samningurinn var gerður.

Hvernig fellur þú frá kaupum?

Til að nýta réttinn þarft þú að tilkynna okkur um ákvörðun þína með ótvíræðri yfirlýsingu, til dæmis í tölvupósti eða bréfi. Þú mátt nota staðlaða eyðublaðið neðst á síðunni, en það er ekki skylda. Gott er að taka fram pöntunarnúmerið. Til að fresturinn teljist virtur nægir að þú sendir tilkynninguna áður en hann rennur út.

Sendu tilkynninguna til: HFHeilsa ehf., Lágmúli 4., 108 Reykjavík, hfheilsa@gmail.com.

Endursending vöru

Þú þarft að endursenda vöruna eða afhenda hana til okkar án ástæðulausrar tafar og eigi síðar en 14 dögum eftir daginn sem þú tilkynnir okkur um ákvörðun þína. Fresturinn telst virtur ef þú sendir vöruna af stað áður en 14 daga tímabilinu lýkur.

Heimilisfang fyrir skil: Lágmúli 4., 108 Reykjavík.

Þú berð beinan kostnað af endursendingu vörunnar. Ef varan er gölluð eða þú fékkst ranga vöru greiðum við þann kostnað.

Endurgreiðsla

Ef þú fellur frá kaupunum endurgreiðum við þér allar greiðslur sem við höfum fengið frá þér, þar með talinn afhendingarkostnað (að undanskildum viðbótarkostnaði ef þú valdir annan afhendingarmáta en ódýrasta staðlaða afhendingarmátann sem við bjóðum). Endurgreiðsla fer fram án ástæðulausrar tafar og eigi síðar en 14 dögum eftir að okkur berst tilkynning um að þú fallir frá kaupunum.

Við endurgreiðum með sama greiðslumiðli og þú notaðir við kaupin, nema þú hafir sérstaklega samþykkt annað, og þú berð engan kostnað af endurgreiðslunni. Við getum beðið með endurgreiðslu þar til við höfum fengið vöruna aftur eða þú hefur lagt fram sönnun fyrir endursendingu hennar, hvort sem kemur á undan.

Ef þú hefur óskað eftir að veiting þjónustu hefjist áður en frestur til að falla frá samningi rennur út, og fellur síðan frá honum, greiðir þú fjárhæð í réttu hlutfalli við það sem hafði verið veitt þegar þú tilkynntir okkur um ákvörðun þína.

Ástand vöru

Þú mátt skoða vöruna eins og þú myndir gera í verslun. Þú berð aðeins ábyrgð á rýrnun á verðgildi vörunnar sem stafar af meðferð hennar umfram það sem nauðsynlegt er til að staðfesta eiginleika, einkenni og virkni hennar, og aðeins slík verðrýrnun getur komið til frádráttar endurgreiðslu. Rétturinn til að falla frá kaupum er ekki háður því að varan sé í upprunalegum umbúðum.

Undantekningar

Samkvæmt 18. gr. laga nr. 16/2016 á rétturinn til að falla frá kaupum ekki við um:

innsiglaða vöru sem ekki er hægt að skila af heilsuverndar- eða hreinlætisástæðum ef innsiglið hefur verið rofið eftir afhendingu, til dæmis snyrtivörur og húðvörur,
vöru sem er framleidd samkvæmt forskrift þinni eða ber skýrt persónulegt auðkenni,
vöru sem líklegt er að rýrni eða úreldist fljótt, svo sem matvæli og blóm,
stafrænt efni sem ekki er afhent á áþreifanlegum miðli, ef afhending hófst með ótvíræðu fyrirframsamþykki þínu og viðurkenningu á að þú missir þar með réttinn til að falla frá kaupunum,
þjónustu sem hefur verið veitt að fullu, ef hún hófst með ótvíræðu fyrirframsamþykki þínu og viðurkenningu á að þú missir réttinn þegar þjónustan hefur verið veitt að fullu.

Gallaðar vörur

Skilarétturinn bætist við lögbundin réttindi þín vegna galla. Ef vara er gölluð eða ekki í samræmi við pöntun átt þú rétt á úrbótum samkvæmt lögum nr. 48/2003 um neytendakaup og þá greiðum við sendingarkostnaðinn. Hafðu samband sem fyrst ef þú verður galla var.

Netfang: hfheilsa@gmail.com

Staðlað eyðublað til að falla frá samningi

Fylltu út og sendu okkur þessa yfirlýsingu ef þú óskar eftir að falla frá samningnum (eyðublað samkvæmt viðauka II við reglugerð nr. 435/2016).

Til: HFHeilsa ehf., Lágmúli 4., 108 Reykjavík, hfheilsa@gmail.com
Ég/Við (*) tilkynni/tilkynnum (*) hér með að ég/við (*) óska/óskum (*) eftir að falla frá samningi mínum/okkar (*) um sölu á eftirfarandi vöru (*)/um veitingu eftirfarandi þjónustu (*):
Sem voru pantaðar hinn (*)/mótteknar hinn (*):
Pöntunarnúmer:
Nafn neytanda/neytenda:
Heimilisfang neytanda/neytenda:
Undirritun neytanda/neytenda (einungis ef þetta eyðublað er á pappírsformi):
Dagsetning:
(*) Eyðið eftir því sem við á.